Текст песни
Сыбай ғына ҡашҡа, баҫма ташҡа
Юлһыҙ ғына ерҙән дә үткәндә
Был донъяла ауыр яңғыҙ башҡа
Дуҫ-иш кәрәк донъя ла көткәндә
Сыбай ғына ҡашҡа ҡырас ялын
Тауҙан ғына өргән дә ел тарай
Алыҫ ергә китһәк, һыбай ҡашҡам
Башҡынайын бороп та бер ҡарай
Алыҫтан уҡ ағарып, ай, күренгән
Урал тауҡайының да аҡ ташы
Ҡайҙа ғына булмай, ниҙәр күрмәй
Ир башҡайы менән дә ат башы
Сыбай ғына ҡашҡа бөҙөрә ялын
Ҡиблаларҙан иҫкән ел тарай
Йән һөйгән дә кешем ситкә киткәс
Һылап-һыйпап мине лә кем ҡарай
