Текст песни
Сир ньуурун үрдүгэр үүммүттэр
Силбэспит аарыма бу мастар
Сэбирдэх суугунун анныгар
Сэмэйдик куустуһан тураллар
Тураллар бу мастар уһуннук
Туорааннар өксүөнү билбэккэ
Тулуйан кыһыны кыстааннар
Тиийэллэр сайыҥҥы күннэргэ
Нуоҕайбыт лабааттан тутуһан
Намыыннык сипсиһэр курдуктар
Нохтолоох сүрэҕи долгутан
Нарыннык тапталы сипсиһэн
Үйэ саас турбуттар кинилэр
Үйэлээх тапталы санатан
Үгүһү элбэҕи билбиттэр
Үөрүүгэ ананан үуммүттэр
