Текст песни
Ахсым аппын миинэммин
Алгыс тылы ыламмын
Арҕаа диэки хайыһан
Айаннатан иһэбин
Өбүгэлэр хаанарын
Сүүрээннэрэ уһуктан
Хара тыаҕа угуйан
Ыҥырдылар ойуурга
Аллаах аппын миинэммин
Айаннатан хантатан
Мүөттээх ыраас салгыны
Эҕэрийэ тыынабын
Көҥүл санаа кыымнара
Кутаа уоту саҕаллар
Модун санаа бааллара
Күмүөл муустуу усталлар
Аал уоппун оттоммун
Сааһылыыбын тылларбын
Сиэллээх арыы бэрсэммин
Байанайбын алгыыбын
Баай Барыылаах Байанай
Хатан Тимиэрийэ эһэкээн
Бырдьа Бытык кырдьаҕас
Кулум аллай мичээрдээ
Улуу күөллэр эбэлэр
Кыһыл көмүс хатырыктааҕын
Үрүйэлэр үрэхтэр
Үрүҥ көмүс хайыылааҕын
Үмүрү тардан бэлэмнээр
Холбуу үүрэн бөлөхтөөр
Тиэрэ ууран тэлгэтээр
Бииргэ ууран сааһылаар
Кырыйа кетер кынаттааххын
Адаар муостаах кыылларгын
Чохчоҥолоон сүүрэргин
Ардай тиистээх аһыылааххын
Үрэхтэргэр күөллэргэр
Тумулларгар арыыларгар
Тоҕойдоргор систэргэр
Түмэ тардан кэтэһиннэр
Өбүгэттэн сиэттэрэн
Саха мургун уолабын
Сорсуннардаан булчуппун
Сатабыллаах сааһыппын
