Текст песни
Кытаанах хайыта харбаһыы
Ыксаллаах ыгыта тутуһуу
Кэннинэн кэхтибэт чулуулар
Ыбылы ылсаллар хапсыһан
Быччыҥнар быһыта барыахтыы
Тыҥыыллар бу хабыр киирсиигэ
Бүк түһэн бүдүрүй да бүттүҥ
Түһүлгэ уруйдуо кыайбыты
Хапсаҕай бу Саха тустуута
Бу тыйыс бу сиэрдээх хапсыһыы
Хатыйсыы албастаан бырахсыы
Барыта сылбырҕа хамсаныы
Чыпчылҕан түгэнин туһаныы
Өй санаа уонна күүс бииргэлэр
Чаҕылҕан кэриэтэ ыстаныы
Өрөгөй үрдүүрүн туһугар
Кыраҕы хараҕыҥ кэтэһэр
Утарсар бөҕөһүҥ сыыһатын
Кыратык сыыста да бүттэҕэ
Урутаан охторор бу дьолуоҥ
Ол курдук ол боотур эйиигин
Кэтэһэр манаһар алҕаскын
Охсуолуо хамсаныа сымсатык
Киллэрэ сатыаҕа албаска
Сылбырҕа хамсаныыҥ быһаарыа
Булугас толкуйуҥ туһалыа
Сып курдук оҥоруоҥ албаскын
Билиэҕиҥ эн кыайыы үөрүүтүн
