Текст песни
Ыллыыра ытыыра сулана
Ол муммут ыллыгын туһунан
Аһыы уу дьаатынан саптара
Тиһэрэ сүрэҕин ыарыытын
Табаҕын буруотун быыһыгар
Дьаар сыттаах арыгы сытыгар
Кэрэни хоһуйан айара
Ынчыктыыр ырыатын ыллыыра
Ыллыыра ытыыра ыллыыра ытыыра
Хоһоонун тулатын ойуулаан
Харандаас хамсыыра элэҥнээн
Күөх буруо тунаара көтөрө
Остуолга бытыылка турара
Ардыгар кэмсинэн ылара
Саҥалыы саҕалыан саныыра
Күөх моҕой ыыппатын билэрэ
Бэйэтэ мөлтөҕүн өйдүүрэ
Өйдүүрэ ыллыыра ытыыра ыллыыра
Арай бу сүрэҕин ыарыытын
Сурукка омуннук тиһэрэ
Кыламныыр баҕарар баҕатын
Хоһоонун тылыгар холбуура
Дьаар сыттаах тумаҥҥа муммуттар
Тобуктаан ылбыттар элбэхтэр
Хаарыаннаах талааннаах уолаттар
Эрдэлэн бу сиртэн куоппуттар
Суох буолтар куоппуттар барбыттар сүппүттэр
