Текст песни
Үрүҥ түүн ходуһам урсуна
Үрүмэ былаатын саптыаҕа
Үүт тураан бу түүҥҥү тумана
Үрүччэ үөһэннэн сыыллыаҕа
Күөл уҥуор туһаайа сыыйыллан
Күөх торҕо буруобут устуоҕа
Күөрэйэ-көтүһэ сыһыллан
Кый ыраах кыырайа туруоҕа
Ибир тыал сэмэйдик илгийэн
Истиҥник баттахпын ыһыаҕа
Ичигэс салгына сэрэнэн
Иэдэспин таарыйан ылыаҕа
Айылҕам чэчирии чэлгийэн
Алааспын эргийэ кууһуоҕа
Аар хатыҥ суһуоҕун субуйан
Аартыкка нуоҕайа нуктуоҕа
Үрүҥ түүн абылыы тунааран
Үөһэттэн өҥөйө суулуоҕа
Үрдуккэ угуйа туһулаан
Үүнэр күн кынатын тутуоҕа
