Текст песни
Урукку олох кырдьыктара
Дьылҕабыт сүппэт туоһулара
Эргэрбит лиистээх хаартыскалара
Сүрэххэ иҥмит ахтылҕаннара
Эһэлээх эбэм эдэрдэрэ
Көстөллөр симик дьүһүннэрэ
Ийэлээх аҕам мөссүөннэрэ
Бииргэ төрөөбүттэр биһиктэрэ
Ол онно оҕо саас сарыаллара
Ойор тэбэр күннээх тырымнара
Саҕахха саспыт чаҕыллара
Олуктуу ойбут ыллыктара
Көстөллөр эдэр саас аргыстара
Айаҥҥа ыҥырбыт аартыктара
Эрэллээх доҕоттор эрчимнэрэ
Алыптаах тапталлар кистэллэрэ
Бааллара орто саас түгэннэрэ
Дьиэ кэргэн бараммат түбүктэрэ
Дьолломмут ол кэмим сайыннара
Суол тэлбит ол сылларым ыырдара
Олорбут олоҕум арыалдьыттара
Эргэрбит күндү хаартыскалара
Альбомум лииһигэр кэккэлэрэ
Умнуллубат дьонум күлүктэрэ
