Текст песни
Бэҕэһээҥҥи күммүтүн
Мичилийбит күөммүтүн
Халлаан бүгүн мэлдьэспит
Күһүн тыына киэр эспит
Түүнү быһа айбардаан
Үүммүт күнү сабардаан
Айылҕабыт алдьаммыт
Эйгэ ыксыы суламмыт
Халҕаһалыы былыттар
Халлаан кыаҕын ылбыттар
Тигинэччи ардыыллар
Суланаллар ытыыллар
Ыадастыбыт көһөҥө
Бороҥ күтүр ыар өҥө
Куккун сүргүн баттыыллар
Санааларгын хатыыллар
Күнү күөйэ саппыттар
Бэл тыал тыынын быспыттар
Симиллибит салгыммыт
Хааччах кэмин ылыммыт
Куобут күнэ бүттэҕэ
Эргийбэттии сүттэҕэ
Анал кэмэ аастаҕа
Саҕах нөҥүө састаҕа
Хаһаас уутун сүөкээтэ
Былытыттан тэбээтэ
Сирбит иэнин сайҕаата
Ырааһырда алҕаата
