Текст песни
Анараа дойдуга тиийбиттэр
Күн сирин күөнүттэн көппүттэр
Сороҕор эн түүлгэр кэлэллэр
Эбэтэр санааҕар биллэллэр
Ол дойду олоҕо хайдаҕын
Туллубат туруктаах тутааҕын
Кэпсииртэн туттунар эбиттэр
Тугу да быһааран эппэттэр
Куруутун эдэрбит дэһэллэр
Сонньуйа курустук күлэллэр
Кэпсэтэ түһээтин көтөллөр
Биллибэт ырайга төннөллөр
Сыныйа ырытан көрдөххө
Өйгүнэн өтүүнү өрдөххө
Орто да дойдуга дууһабыт
Кырдьыбат быһыылаах ырабыт
Арай эт хахтарбыт элэйэн
Эргимтэ ыырыттан кэлэйэн
Кырдьыыга бараллар күһэллэн
Ыарыгы уйбакка үрэллэн
Ким күүстээх санаалаах буорайбат
Олоҕун кэмиттэн сылайбат
Ол иһин кырдалга кылыйар
Эт хаҕын ис кута салайар
