Текст песни
Олоҥхоҕо олоҕуран
Сиэргэ туомҥа олук ууран
Саха тугу кэпсиир этэй
Биитэр туохтан сэрэтэрэй
Олоҥхоҕо айылҕабыт
Эргимтэбит Ийэ сирбит
Омуннаахтык кэпсэнэллэр
Таптыыр иигэ киллэрэллэр
Саха бары өйдөһөрүн
Айыылартан көрдөһөрүн
Ыарык кэмҥэ өйөһөрүн
Кыамматтарга көмөлөрүн
Өрө тутан ыллаан туойан
Хара дьайы тута буойан
Тиэрдэллэрэ кэрэкэтиэн
Хоһуйуута үтүөкэтиэн
Бухатыырдар илэ күүрэн
Абааһыны кыйга үүрэн
Таптал кыымын быыһыыллара
Бастыҥ тойук аныыллара
Куруук сөҕө санааччыбыт
Таайа билэ сатааччыбыт
Куйаар үөһүн билэллэрин
Халлаан хаһын этэллэрин
Көтөр аты миинэллэрин
Айыы Аарга тиийэллэрин
Сиргэ өтөн киирэллэрин
Хара саҥы эһэллэрин
Таайыылара биир эбиттэр
Ийэ сири билиммиттэр
Утумнаахтык таптаабыттар
Куттарынан ылыммыттар
Оччоҕуна эрэ маннык
Улаҕата биллибэттик
Тута айан этэр тыынар
Айдарыыны аныыһылар
