Текст песни
Сарсыарда буолбутун сэрэйэн
Харахпын хаһынным кичэйэн
Ис куппун толкуйбун тургуттум
Уйулҕам уйугун соһуттум
Биир санаа аалыытын уйбакка
Сытабын оронтон турбакка
Түлүк түүн олохпун ырыттым
Тэпсибит ыырдарбар сырыттым
Элбэх да түгэни кэрийдим
Сыыһабын халтыбын сирийдим
Уйулҕам туругун бэрийдим
Ааспыттан кыбыстан кирийдим
Тоҕотун билбэккэ тууйуллан
Хаһыстым дьылҕабын тулуйан
Үгүһү туората хаһыйдым
Хара дьай ыйааҕар балыйдым
Буруйу билинэр эрэйдээх
Кырдьыгы ылынар эриэстээх
Ааспыт да алҕастан саспаккын
Сойуолуу сырсарын быспаккын
Төннүбэт төлкөбүт түөрэҕин
Хабархай амтаннаах сүүмэҕин
Тугунан да сатаан толуйан
Саппаккын уһун түүн улуйан
Суорҕаммын бүрүнэ тардынным
Букатын турбаттыы сананным
Кэмсинии ыарыга хам баайда
Кэлэнии кэмнэрэ туһаайда
