Текст песни
Төрөөбүт мин дойдум Эҥсиэли
Түөрэҕим олорбут күөрэччи
Түстээбит эбиккин эрдэттэн
Төлкөбүн төрүөҕүм инниттэн
Туруору түһүүлээх биэрэкпэр
Таалалаан улааппыт түөлбэбэр
Тыымпы күөл уутугар киирэбит
Тыыланан уҥуоргу эрдэбит
Тыҥ хатыы үрүҥ түүн күөгэйэр
Туолбут ый мичээрэ мөлбөйөр
Тус илин Элиэнэм күөнүгэр
Устар аал уоттара көстөллөр
Торҕолоох налыы Нам сиригэр
Талааннаах дьонноро элбэхтэр
Тустууктар кус быһый сүүрүктэр
Тойуксут ырыаһыт сэгэрдэр
Тиийэбин арҕаалыыр мырааҥҥа
Таайтарар арчылаах аартыгар
Тириэрдэр алгыстаах айаҥҥа
Тэлэллэр куораттыыр суолугар
Таптыыбын Эҥсиэлим хочотун
Талыыкан мыраантан көстүүтүн
Тускуллаах сыырымньы түһүүтүн
Төлөннөөх айаммыт соргутун
