Текст песни
Хаан хааҥҥа харбаһан
Хапсыһар түгэҥҥэр
Кэхтиэххин кэннигэр
Өбүгэҥ күлүгэ
Охсуһан өстөөхтөн
Охтуоххун ол онно
Турдаҕа иннигэр
Омугуҥ кэскилэ
Ол иһин өлүүнү
Утары көрсөҥҥүн
Тыын тыыны былдьаһар
Тыҥааһын кэмигэр
Уох кылыс абарыы
Кутуллан күүс эбэн
Өстөөххүн өһөрөн
Кыайдаҕын ситиһэн
Буулаҕа санаалаах
Эстибэт эрчимнээх
Өрөгөй талааннаах
Эн чулуу боотургун
Өстөөххөр бүтэһик
Тыын биэрэн тэйэҥҥин
Көрдөрдүҥ дьоһуҥҥун
Эр хоһуун буоларгын
Иннигэр иитиллэр
Ибири билимэ
Кэннигэр кээһиллэр
Кэбири көрсүмэ
Саалаахтан самныма
Охтоохтон охтума
Ньырбакаан удьуора
Ньурбабыт уолана
