Текст песни
Харахтарбын симэммин
Хомус тыаһын истэбин
Сиэтэн илдьэр дьүрүскэн
Ыраах ыраах абылаан
Харахтарбар көрөбүн
Эдэр эбэм мөссүөнүн
Хомустуурун ыллыырын
Көмүлүөгүн төлөнүн
Түннүк мууһа уулларын
Силлиэ кытта намтыырын
Кутум сүрүм арыллан
Дьүрүскэнтэн көтөбүн
Дырылатар ырыаттан
Дайа көтөр курдукпун
Кыстык кыһын күөх сайын
Илгийэрин билэбин
Күөрэгэйбин истэбин
Ыраах кэҕэ этэрин
Ыллам атым айанын
Кынат тыаһын сыыдамын
Дьикти күүстээх эбиккин
Харысхалбыт хомуһум
Нарын намчы тыастарыҥ
Чэбдигирдэр дорҕоонуҥ
Өрүү истэн сылдьыахпын
Дьүрүскэнтэн көтүөхпүн
Саха буолан баҕаран
Урааҥхайым уһуктан
Нөрүйэбин эйиэхэ
