Текст песни
Ардыгар тахсабын чараҥҥа
Соҕотох турабын тумаҥҥа
Аар хатыҥ анныгар күлүккэ
Сэбирдэх тэлимниир түспэккэ
Иһийбит ойуурга чуҥкуйан
Ол ааспыт кэмнэрбин сайыһан
Хаамабын оргууйдук санньыйан
Сүрэхпэр кутурҕан саһыаран
Курус тыал тулабын ыспахтаан
Кууспахтыыр ыбылы ылбахтаан
Ахтылҕан ис куппун ытатар
Ийэккээм мөссүөнүн санатар
Күн тэҥэ мин көмүс киһибин
Сып-сылаас минньигэс мичээрин
Кимтэн да ордугун сэмэйин
Ис куппар кичэллик кистиибин
Сыл хонук аастаҕын аайытын
Ааспатах аймалҕан кыттыһар
Сүрэхпин хаарыйа хатаастан
Сытыытык саната хосуһар
Киирэбин бу эмиэ чараҥҥа
