Текст песни
Төрүүргэр дойдугун талбаккын
Бу манна диэн ыйан ылбаккын
Айылгы бэйэтэ аныаҕа
Ил тыыҥҥын чочуйан ыытыаҕа
Анаммыт дойдубут үс тутаах
Айыыһыт анаабыт тутуллаах
Бастакы тутула АЙЫЛҔА
Иккиһэ бар дьоҥҥо чиҥ ДЬЫЛҔА
Үсүһэ үтүөкэн өйдөбүл
Итэ5эл иҥиэхтээх көрдөбүл
Үс тутул үс куккар киириэхтээх
Уот таптал кутаата иҥиэхтээх
Дойдугун мунаҥҥын таҥнарыаҥ
Туруккун умсары кыраныаҥ
Дьылҕалыын ситимиҥ быстыаҕа
Уйулҕаҥ аймана ытыаҕа
Ыар кэмҥэ дойдугун көмүскээр
Бурҕалдьы кэтэҥҥин илистээр
Оччоҕо туругуҥ тупсуоҕа
Дьоһуннук дьол суолун солуоҕа
Төрөөбүт дойдубут соҕотох
Тупсара талар сир оппотох
Сүрэхпит тапталбыт эйиэхэ
Анаа дуу арчыгын биһиэхэ
