Текст песни
Борук сорук кытыыга
Ийэ турар тымныыга
Кыһалҕата кыһайан
Халлаан диэки хантайан
Кини кэтиир ый кыыһын
Кэпсиэ этэ кырыыһын
Уолун уорбут сэриини
Илэ барбыт иириини
Ыйытыаҕа ол кыыстан
Тоҕо кэлбэт айгыстан
Уолун көрбүт буолаарай
Сэмээр кэпсээн ааһаарай
Сураҕа суох сүппүтэ
Үһүс ыйа бүппүтэ
Сурах кэлбэт букатын
Миинэн үөрүү сур атын
Көмүскэтэ уулана
Дьылҕатыгар сулана
Турар ийэ сабыстан
Ыйбыт быкпат кыбыстан
