Текст песни
Mayxonada o‘tkazar umrni,
Ko‘zida kulgu, ichida dardi…
Kulib ichar, dardini yutar,
Hech kim bilmas yurakning zardi…
Bir payt sevgan, ishqiga yonib,
Orzularni osmonlar tomon.
Bugun esa qadahga qarab,
Topar o‘ziga taskin hamon.
Do‘stlar kelar, ketar yonidan,
Kulgu ortida ming alam yashar.
Bir so‘z demas, jim o‘tirar u,
Yurak ichra bo‘ronlar toshar.
Mayxonada o‘tkazar umrni,
Dardni yuvmoq uchun ichadi.
Ko‘zda kulgu, labda tabassum,
Ichida esa yurak yig‘laydi.
Mayxonada o‘tkazar umrni,
Unutmoqchi bo‘lib o‘tmishni.
Lekin har bir qadah ichida,
Yana topadi o‘sha dardini.
Kechalar uzun, uyqular qochgan,
Xotiralar qaytib kelaverar.
Har bir kuyda eslar o‘tmishni,
Yurak yana tilka bo‘laverar.
Kimdir uchun oddiy bir odam,
Kimdir uchun esa yo‘q bo‘lgan.
O‘zi bilan kurashib yashar,
Taqdiridan ozor topgan.
Bir kun kelib… qadahni qo‘yar…
Yurak yana sevishni topar…
Lekin bugun… u yolg‘iz yana…
Dard bilan yuzma-yuz qoladi…
Mayxonada o‘tkazar umrni,
Hech kim bilmas uning sirini.
Kulib yashar, ichida esa,
Ko‘taradi butun dardini.
Mayxonada o‘tkazar umrni,
Lekin umid hali o‘lmagan.
Bir kun chiqib zulmat ichidan,
Yorug‘ yo‘lni topadi balki…
