Rustam, Roxila ASTA ASTA

Asta-asta oqaradi tong,
Asta-asta bo‘ylaydi quyosh.
Asta-asta soch yig‘ar xayol,
Asta-asta ko‘tarilar bosh…

Asta-asta tashlanar qadam,
Asta-asta boshlanar kurash.
Asta-asta xo‘rsinar odam,
Asta-asta charchamish yashash.

Asta-asta siltanadi qo‘l,
Asta-asta qotilar yurak.
Asta-asta uydan qochadi yo‘l,
Asta-asta mast bo‘lar erkak.

Asta-asta… hayot o‘tar jim,
Asta-asta… yurak bo‘lar dim.
Asta-asta… kulgular so‘nar,
Asta-asta… orzular yonar…

Asta-asta… sen ham o‘zgarib,
Asta-asta… men ham yo‘qolib…

Asta-asta zulfga oq inar,
Asta-asta yoqalari ho‘l.
Ayol yuzi tongday oqarar,
Yanoqda muzlab qolgan sel.

Asta-asta esnaydi yurak,
Asta-asta zo‘rayar shamol.
Izohlay olmas, jim yurar erkak,
Asta-asta baxtsizdir ayol…

Asta-asta… sukut gapirar,
Asta-asta… ko‘zlar yig‘lar…
Asta-asta… hech kim sezmas,
Asta-asta… ichdan sinar…

Asta-asta… hayot o‘tar jim,
Asta-asta… yurak bo‘lar dim.
Asta-asta… kulgular so‘nar,
Asta-asta… orzular yonar…

Asta-asta…
Asta-asta…
Asta-asta…