Rustam KO‘NGILLAR NOZIK

Ko‘ngil degan bir gul ekan, avaylasang ochilar,
Qattiq so‘zdan yaralansa, ko‘zlar yoshga to‘kilar.
Bir tabassum yetar ekan inson qalbini ko‘tarmoq,
Birgina so‘z yetar ekan yuraklarni sindirmoq.

Hayot yo‘li uzun ekan, har kim dardni yashirar,
Kimdir kulib turgani bilan ich-ichidan charchagan.
Shu dunyoda mexir berib, bir-birimiz asraylik,
Nozik qalbni og‘ritmasdan yaxshi so‘zlar aytaylik.

Yuraklarga qarab gapir,
Har so‘zingda savob bo‘lsin.
Kimning ko‘ngli sinmasin deb,
Ko‘zlaringda javob bo‘lsin.

Ko‘ngillar nozik, avaylang uni,
Bir shirin so‘z bilan yashnating kuni.
Ko‘ngillar nozik, sindirmang aslo,
Dilda qolmasin armon-u savdo.

Ko‘ngillar nozik, bilganlar bilsin,
Mexir ko‘rsatgan ko‘ngillarda qolsin.
Ko‘ngillar nozik, dunyo o‘tadi,
Yaxshi so‘z esa yurakda qoladi.

Kimningdir bir dardi bordir, so‘ramagan bilmaydi,
Ko‘zlar kulsa ham yuraklar har doim ham kulmaydi.
Ba’zan oddiy e’tibor ham tog‘day kuchga aylanar,
Mexir topgan odam yana hayot sari talpinar.

Odam odamga tayanchdir, mehrimizdan nur yog‘ar,
Bir-birimiz qadrlasak, baxt eshigi ochilar.
Kechirimli bo‘laylik biz, gina-kudrat qolmasin,
Ko‘ngil olgan insonlarning yo‘li hech tor bo‘lmasin.

Bugun kimdir yoningizda jimgina dard yashirar,
Bir og‘iz so‘z kutar balki, ko‘ngli nurga tashnadir.
Shoshilmaylik hukm qilishga, har yurakning siri bor,
Mexir bilan qaralgan qalb yana topadi bahor.

Ko‘ngillar nozik, avaylang uni,
Bir shirin so‘z bilan yashnating kuni.
Ko‘ngillar nozik, sindirmang aslo,
Dilda qolmasin armon-u savdo.

Ko‘ngillar nozik, bilganlar bilsin,
Mexir ko‘rsatgan ko‘ngillarda qolsin.
Ko‘ngillar nozik, dunyo o‘tadi,
Yaxshi so‘z esa yurakda qoladi.