Rustam Yig'lagim Keldi

Yana...
Seni esladim...
Yuragim jim...
Ko'zlarim nam...

Biz asli uncha ko'p birga bo'lmadik,
Ishq yuki yillarga og'irlik qildi.
Goho hayolimda boshlanib shamol,
Seni esladimu yig'lagim keldi.

Bir lahza baxt edik,
Bir umr armon.
Qismat ayirganda,
So'ndi orzular.

Seni esladimu yig'lagim keldi,
Qalbimdagi dardni yashirgim keldi.
Ertakdek sevgimiz armon bo'libdi,
Seni esladimu yig'lagim keldi.

Nega ham uchrashdik, nega tanishdik,
Nega ko'ngil qo'ydik bunchalar dalli?
Endi yorishmaydi ko'ksimdagi oy,
Yulduzlar bosh egib qilsa tasalli.

Qaniydi ko'rmasak bir-birimizni,
Koshki qovushmasa ko'ngillarimiz.
Qismat deb ne kelsa xo'p dedik balki,
Endi azob berar ko'nganlarimiz.

Umrimiz o'tmoqda pushaymon bilan,
Afsuslar tosh bo'lib kirdi yurakka.
Sen boshqa dunyoda yashaysan yolg'iz,
Men o'zga olamda o'laman yakka.

Seni esladimu yig'lagim keldi,
Ko'z yoshlarim daryo bo'lib oqdi.
Sevgi ketar ekan, xotira qolarkan,
Seni esladimu yig'lagim keldi.

Yana...
Seni esladim...
Yig'lagim keldi...