Rustam Tushdagi Ona

Armon borligini eslatib,
Bugun yana qalbim dog‘ladi...

Volidamni ko‘rdim tushimda,
Gulyuzligim meni yo‘qladi...
Quchdim u bag‘rimda uxladi...

Doimgidek kulib turardi,
Yetim ko‘nglim quvonchni bildi.
Yolg‘izligim unutdim shu on,
Jonim onam meni yo‘qladi,
Quchdim u bag‘rimda uxladi...

Onam meni... meni yo‘qladi,
Qalbim yana nurga to‘ldi.
Bir lahzada baxtni topdim,
Quchdim u bag‘rimda uxladi...

Lolu-hayron ko‘nglimda quvonch,
Men yurardim ko‘tarib onam.
Nozik jismni bag‘rimga bosdim,
Onam meni, meni yo‘qladi,
Quchdim u bag‘rimda uxladi...

Onam meni... meni yo‘qladi,
Sog‘inchlarim ko‘zga yosh qildi.
Bir tush bo‘lsa ham baxt berdi,
Quchdim u bag‘rimda uxladi...

O‘kindim men... tong kirib keldi,
Qani tushmas o‘ngim bo‘lsaydi...
G‘arib ko‘nglim yana o‘ksindi,
Xotiralar unutilmaydi...

Onam endi qaytib kelmaydi...
Lekin yuragimda yashaydi...
Sog‘inchimda ovutaman men,
Quchdim u bag‘rimda uxladi...