Rustam TAVBA

Agar o‘lsam, yuzim chidarmidi,
Allohimga boqib turishga?
Qanday javob beraman o‘sha kun,
Savollarga javob topishga...

Iltimos, kelmay tur qiyomat,
Yana ozgina vaqt ber menga,
Gunohlarim yelkamda tog‘ bo‘lib,
Ulgurmadim tavba qilishga...

Ne-ne gunoh botqog‘iga botdim,
Bilmay o‘tdi umr beparvo,
Halol-harom farqin unutib,
Yashab keldim go‘yo bexato...

Allohimni ko‘p ham eslamadim,
Nafs ortidan yugurdim har dam,
Endi kechmi, aytgin, Parvardigor,
Qolmadimi men uchun ham dam?..

Bir kun kelar, hamma ketar jim,
Boylik ham, nom ham qoladi yerda,
Faqat amalim hamroh bo‘lar,
Qabr ichra, yolg‘iz, qorong‘u joyda...

Eh... yurak yig‘lar, tilim sukutda,
Ko‘zlarimdan oqadi armon...
Ulgurmadim, ey Rabbim, kechir,
Tavba qilishga... tavba qilishga...