Текст песни
Тĕтре сырса илсессĕн таврана
Каç хăйĕн чаршавне карса хурсассăн
Эпир кĕтетпĕр уйăх тухасса
Ун çутă пайăрки туйнать сыхлассăн
Ăша хура кара хуплать хăш чух
Пуласлăха пăхсан та çук пек шанăç
Ман аллăм усăнма тапратнă чух
Таса Пирĕштисем вĕçсе те анĕç
Ларах, эс, Пирĕшти ман хул çине
Хăв ăшшупа мана витсе хурсамччĕ
Парсамччĕ, Пирĕшти, хăв хӳтлĕхне
Усал тăвассинчен эс сыхласамччĕ
Пирĕштисем пурнаççĕ тӳпере
Турри хушсассăнах çĕре анаççĕ
Çынна сыхлаççĕ пур усалсенчен
Чи кукăр çулсемпе утма памаççĕ
Çут Пирĕштиллĕ çын ытла хитре
Ун пичĕ хĕвел евĕрех çутатĕ
Вăл тĕнчепе тупайĕ пĕр чĕлхе
Турри утма çулне тасалăх парĕ
Ларах, эс, Пирĕшти ман хул çине
Хăв ăшшупа мана витсе хурсамччĕ
Парсамччĕ, Пирĕшти, хăв хӳтлĕхне
Усал тăвассинчен эс сыхласамччĕ
