Я нарадзіўся тут, Lavon Volski, Todar, Вераніка Круглова Мы выйдзем шчыльнымі радамі

Мы выйдзем шчыльнымі радамі
На вольны, родны свой прастор
Хай воля вечна будзе з намі
А гвалту мы дамо адпор, дамо адпор

Няхай жыве магутны, сьмелы
Наш беларускі вольны дух, вольны дух
Штандар наш бел-чырвона-белы
Пакрыў сабой народны рух

На бой! За шчасьце і за волю
Народу слаўнага свайго
Браты, цярпелі мы даволі
На волю - усе да аднаго, да аднаго

Імя і сілу беларуса
Няхай пачуе й убачыць той, бачыць той
Хто сьмее нам нясьці прымусы
I першы выкліча на бой

Браты, да шчасьця мы падходзім
Хай гром грыміць яшчэ мацней
У крывавых муках мы адродзім
Жыцьцё Бацькоўшчыны сваёй
Жыцьцё Бацькоўшчыны сваёй