Текст песни
Парнелетĕп сире юратăва,
Эсир маншăн – ырă тус-тăван,
Пурсăра та савса юрлас килет,
Чунăм сире ырлăх çеç пиллет.
Йышăн тус-тăван,
Ман юратăва.
Чĕремри пур туйăма
Пĕр сире парам.
Туссем пулсан, инкек, ай, инкек мар,
Тунсăх, чун кулянни – ним те мар.
Тусăмсемшĕн алăк уçă ялан, –
Эсир пуртан, чунра пит аван!
Йышăн тус-тăван,
Ман юратăва.
Чĕремри пур туйăма
Пĕр сире парам.
Тус-тăвансем, кĕçĕр савăнар-и
Саркаланса пĕрле юрлар-и?
Пĕрне-пĕри пурнăçра пулăшар-и?
Пурнăç тăрăх çуммăн утар-и?
Йышăн тус-тăван,
Ман юратăва.
Чĕремри пур туйăма
Пĕр сире парам.
