Текст песни
Җан капкасын каерып җилләр иссә,
Мин яңгырлар булып түгеләм.
Шул чагында сөю тулы җирдә –
Гаиләм бишегендә тереләм.
Караңгыда адашканда
Сөю нурлар тарата.
Сезне, газизләрем, яратам.
Гаиләм, сез - галәм!
Һәркөн сөюгә күмеләм.
Сез - һава, сез - дәва!
Тормышның үзәге - гаиләм!
Мин барасы юллар, сукмакларым
Таш, тузанга әгәр күмелсә,
Гаиләм биргән канатларны киеп,
Күтәреләм зәңгәр күгемә.
Караңгыда адашканда
Сөю нурлар тарата.
Сезне, газизләрем, яратам.
Гаиләм, сез - галәм!
Һәркөн сөюгә күмеләм.
Сез - һава, сез - дәва!
Тормышның үзәге - гаиләм!
