Текст песни
Бәхетегез тулы булсын диеп
Аллаһ безгә сине юллаган
Әти- җаным, синең яхшылыклар
Бу җиһанга гына сыймаган
Өебезнең җылы учагы син
Әнкәемә алтын багана
Оныкларга шаян дәү әти дә
Үрнәк, терәк һәр бер балаңа
Синең тырышлыкны тиңләр өчен
Ниләр бар соң җирнең йөзендә
Саулык белән, әйдә сызланмыйча
Атла, әткәй гомер көзеңә
Рәхмәтемне ничек әйтим икән
Изгелеккә кушам изгелек
Яшә, әткәй безнең мәхәббәткә
Мәрхәмәткә генә төренеп
