Текст песни
Акань пызан вылын пукалö
Велöтны букваэз отсалö
Бабылок öддьöн ни рöма
Аслас гожумся паськöмöн
Вичку вермисö строитны
Сэтöн пондасö юрбитны
Горадзуль – басöк дзоридз
Сысянь дзик вежöтöм видз
Додь лöсьöтiс тöв кеж дедö
Турунок ваявны мöдö
Ем бытшкасьö кöть и ёна
Мамö киззез вурны пондас
Ёкыш бöра вугырам шедiс
Деркнитыштi, и васис петiс
Жоннез кöдзытiсь оз полö
Только вердны нiйö колö
Зэр пондöтчис, кисьтö-вадö
Челядь сылö öддьöн радöсь
Из калитчöм баня горын
Ванас кой – чижöтас горöн
Шыпасыс эта – чорыт «и»
Лыддьöтам: зi, котi, дудi
Йöр сувтöтöм горт гöгöрын
Син радуйтчö аркмöм серöн
Каньпиян кöр мекöт орсö
Пыр гыжьясьö, а ме горза
Лымдорчача, лымдорчача
Тулыснас мыччисяс татчö
Ма öктöмась меным мошшез
Сы понда ме нiйö ошка
Нянь миян оланын – юр
Сiя ем – и овны бур.
Озъягöд гöрдöтöм бура
Чожа Аня öмö сюрас
Öшка овлö öддьöн лёк
Матö сы дынö эн лок
Пыж домалöм берег дорö
Жыв уявны мортсö корö
Руч нораын вöрас олö
Сiя хитрöй, сылiсь полö
Сюзь лунтыррезöн суналö
Ойнас шыррезöс куталö
Тöлiсь небосянь видзöтö
Пемыт ойесö югдöтö
Ур кöз уввезын чеччалö
Асьсö зверрезлö мыччалö
Флаг российскöй керку юрын
Сiйö тöда öддьöн бура
Хор горалö сьыланкылöн
Басöк шы паськалö ылö
Цапля – ыджыт кай, кузь кока
Нюрын гаггез сiя кокö
Чань гöняйтö горт гöгöрын
Кутны верман? Вöтчы сьöрас
Шондi саймöм, а ме узя
Чöскыт вöт видзöта кузьö
Щётка пиннез понда эм
Пинь висьöмись повны нем
Чорыт пассö кö сувтöтан
Одзись шысö сэк чорзьöтан
Ыбöс оссьö и пöднассьö
Ой кежас бура игнассьö
Небыт пассö кöр сувтöтан
Одзись буквасö небзьöтан
Электричество кö эм
Сэк оланыс бур совсем
Юрсигусь пукалö матын
Борддэзнас ошшасьö татöн
Яблок ачыс корсьö öмам
Сiдз сималöма кынöмö
Быдöс ме букваэсö донта
И сказкаэз лыддьöтны понда
"Я" и "ме" - одно и тоже
Все буквы выучил, похоже
