Текст песни
Кытчö тiйö мунатö
Да мыля менö колятö
Кыдз ме понда овнытö
Да ойлунсö чулöтнытö
Мичаэсö луннэсö
Да гажаэсö рыттэсö
Мича лунöн оз уджöт
Да гажа рытöн оз узьöт
Чужи, быдми сьöд вöр шöрын
Деревняись петi
Новйи чорыт сера йöрнöс
Да нинкöм бырöтi
Сувтi, тальччи ас кок йылам
Учöтсянь уджалi
Кöр кватьöдзлам вöлись вöлi
Пыр ме пестуналi
Кага горзö, ачыт горзан
Пыр сiйö бурöтан
Пöжöм йöлöн сюрись вердан
Зыбка пыр гыччöтан
Горзiсь кага дыр оз бурась
Оз и воть онмöссьы
Керку ыбöс гымган бура
Петан тэ котрасьны
Рытнас мамö гортö локтас
Шуас: Кытöн воныт
Вöснит шатьöн швачкас тэнö
Лудас кыкнан бокыт
Рытнас мамö гортö локтас
Шуас: Кытöн воныт
Вöснит шатьöн швачкас тэнö
Лудас кыкнан бокыт
Кытчö тiйö мунатö
Да мыля менö колятö
Кыдз ме понда овнытö
Да ойлунсö чулöтнытö
Мичаэсö луннэсö
Да гажаэсö рыттэсö
Мича лунöн оз уджöт
Да гажа рытöн оз узьöт
Пемыт ойöн да арся кадöн
Ох, кöркö менö мамö чужтöма
Сизим арöн да шöрттöм дöра
Ох, паськыт мувлас панны тшöктöма
Муна лэдзча да Вöзъясинмö
Ох, Иньвадорсö дыр ме видзöта
Кыска писим да чочком чышьян
Ох, макнита да свист ме шутньöвта
Сэки локтас да бытшöм нылöй
Ох, Öниссяö Ыдзыт Шулайись
Локтас бокам да пуксяс матö
Ох, шогöс пондас пöльтны сьöлöмись
Босьта киö да ме гармоння
Ох, пики-вики öтпыр керышта
А сыбöрын да бокö чапка
Ох, Öниссяöс размöд окышта
Эшö öтпыр да зубытжыка
Ох, Верх-Иньвалань бöрам видзöта
Керöс дорас да ыджыт излö
Ох, сэсся сувта, тальчча чорыта
Ачым киэз да вылö лэбта
Ох, шапка чапка, ваас чеччöвта
Иньва ваыс да менö босьтас
Ох, сiя шогöс менчим ньылыштас
Кытчö тiйö мунатö
Да мыля менö колятö
Кыдз ме понда овнытö
Да ойлунсö чулöтнытö
Мичаэсö луннэсö
Да гажаэсö рыттэсö
Мича лунöн оз уджöт
Да гажа рытöн оз узьöт
