Текст песни
Эта цифра шусьö Ноль
Сiя гöгрöса, дзiк поль
Нольсö-польсö бытшкы емöн
Сiя потас – оз коль нем
Эта цифралöн ним – Öтiк
Сiйö чожа позьö тöдны
Сылöн только öтiк кок
Ачыс вöснит, кыдз бедёк
Кык – сiдз цифра эта шусьö
Голя кöстöм сiя юсь моз
Только коккес оз тыдалö
Натьтö, вевттис нiйö ваöн
Цифра эта басöк нима
Сiйö шуöны Куим
Сылöн абу юр не кок
Эмöсь только кык крючок
Нёль – сiдз шусьö эта цифра
Бокыс вылö пуктöм кисö
Йöктыны лöсьöтчö жыв
Тшöктö сьылны сьыланкыв
Нёльыс сьöрö вöтчö Вит
Сiя ёна оз шумит
Коксö кöстöма чукыльö
А чикисьыс бöрас чылö
Эта цифра, челядь, Квать
Сылöн бырöма ни садь
Ылiсянь, тыдалö, кыссьö
Пуксьöм сэтчö да шоччисьö
Эта цифралöн кузь кок
Кокыс вылын – крышаок
Эд вунöтö сылiсь ним
Сiйö шуöны Сизим
Вот Кыкьямыс асьсö мыччис
Сылöн эмöсь только кытшшез
Учöт кытшыс кайöм вылö
Ыджыт кытшыс кольччöм улö
Цифра эта ыджыт юра
И не пеля, и не сюра
Öтiк кок вылын сулалö
Шусьö Öкмыс, эд соралö
