Текст песни
Ме дзоридззез талун тэныт босьта
Воротасö меным гажöн осьтан
Рожабантö шоныта окала
Да дзоридззез сэсся тыр козьнала
Нимлунöн тэнö, дона морт, нимлунöн
Мед пыр бордалö крепыт радейтöм
Мед гаж да шуд оланын лоас уна
И сьылö колипкай жö кыдз сьöлöм
Тэ видзöт, кыдз шондi зарни кисьтö
Сöдз лысваöн мича асыв миссьö
Радейтöмöн лов вöрва шебралö
Зарни туссез кок увтат коялö
Кадыс понда öддьöн эн гажтöмчы
Мый чулалö – сы сьöрö он вöтчы
Талун тэныт сьыланкыв горалö
Луныс гажöн тэ понда шыннялö
