Текст песни
Кырдалы үрдүнэн кылбаһан,
Кыргыттар кэриэтэ кынтаһан
Ханна бу наскыһа хаамтыгыт,
Хатыҥнар, бу ханна бардыгыт?
Көлүччэ уутугар тиийэҥҥит
Көччүйэ сөтүөлүүр буолаҕыат?
Көхтөөхтүк күлэҥҥит, үөрэҥҥит
Күлүмнэс таммаҕы ыһаҕыат?
Таайдым дуо, эһиги хоруйдааҥ,
Талбаара нуоҕайан суугунааҥ.
Ханна бу наскыһа хаамтыгыт,
Хатыҥнар, бу ханна бардыгыт?
Эбэтэр алааска киирэҥҥит
Эһиэкэй ырыатын ыллыыгыат?
Эгийэ-дугуйа үктээҥҥит
Эргийэн, битийэн ылаҕыат?
Кэккэлии сэлэлээн сиэттиһэн
Кэпсэтэ-ипсэтэ иһэҕит
Ким эрэ тапталын сипсиһэн
Килбиктик мичээрдиир эбиккит
Таайдым дуо, эһиги хоруйдааҥ,
Талбаара нуоҕайан суугунааҥ.
Ханна бу наскыһа хаамтыгыт,
Хатыҥнар, бу ханна бардыгыт?
Таайдым дуо, эһиги хоруйдааҥ,
Талбаара нуоҕайан суугунааҥ.
Ханна бу наскыһа хаамтыгыт,
Хатыҥнар, бу ханна бардыгыт?
Хатыҥнар, бу ханна бардыгыт?
