Текст песни
Ый тахсан күөх түүҥҥэ
Көччүйэ күндээрэр
Хаһыҥтан сир үрдэ
Бүтүннүү дьиримниир
Харыйалар суол тула
Хараара чөрбөһөн
Ый ыраас уотунан
Кыламныы тураллар
Тула өттүм чөмчүүк таас сулустар
Кырачаан мөлүйүөн үгүстэр
Дьүрүһүйэр күһүҥҥү серенада
Мин санаам долгуйар музыката
Сандаарар ый уоттаах
Чараҥым быыһынан
Сымнаҕас сэбирдэх
Кырсынан хаамсабыт
Күлүгү көрүнэр
Көлүччэ уутугар
Ый араас эгэлгэ
Оһуорун түһэрбит
Тула өттүм чөмчүүк таас сулустар
Кырачаан мөлүйүөн үгүстэр
Дьүрүһүйэр күһүҥҥү серенада
Мин санаам долгуйар музыката
Иэдэспэр тымныы түүн
Сылаастык тыынаҥҥын
Эн миэхэ тапталгын
Килбиктик эппитиҥ
Саһархай сэбирдэх
Сытынан тунуйан
Дууһабын уйгуурда
Эн миэхэ кэлбитин
Тула өттүм чөмчүүк таас сулустар
Кырачаан мөлүйүөн үгүстэр
Дьүрүһүйэр күһүҥҥү серенада
Мин санаам долгуйар музыката
