Текст песни
Өртөн ыла бэлэмнэнэн
Үөрүү-көтүү аргыстанан
Ыһыах буолар күнэ үүнэн
Ыаллар бары эрдэ туран
Сарсыардаттан үгэс курдук
Саҕаланна ырыа-тойук
Сарсыардаттан үгэс курдук
Саҕаланна ырыа-тойук
Ыһыах, ыһыах
Үрүҥ тунал ыһыах!
Долгулдьуйар түһүлгэттэн
Чорооннордоох сэргэлэртэн
Күнү көрсө, эҕэрдэлии
Көтөн иһэр курдуктар
Кынаттара тэлибирии
Кылбаҥнаһар холууптар
Кынаттара тэлибирии
Кылбаҥнаһар холууптар
Ыһыах, ыһыах
Үрүҥ тунал ыһыах!
Ону истэн тураммын
Санаан кэллим барытын
Аны сэрии буолбатын
Сэриигэ баҕарбаппын
Үлэ, эйэ ыһыаҕа
Өрөгөйдүү туруоҕа
Үлэ, эйэ ыһыаҕа
Өрөгөйдүү туруоҕа
Ыһыах, ыһыах
Үрүҥ тунал ыһыах!
Таптал нарын чараҥын
Таарыйбатын хаар хаһыҥ
Тунал ыһыах түһүлгэтин
Тумнубатын ырыа-тойук
Айар талаан эгэлгэтин
Арчыластын алгыс курдук!
Айар талаан эгэлгэтин
Арчыластын алгыс курдук!
Ыһыах, ыһыах
Үрүҥ тунал ыһыах!
Ыһыах, ыһыах
Үрүҥ тунал ыһыах!
