Текст песни
Вӱдсер воктене шочын кушкынам.
Яндар, лыжга мурсем деке шӱмаҥын.
Чодыра лоҥгаште верланен суртем.
Ты верыште мый юарлен куштальым.
Ты верыште мый юарлен куштальым.
Тышан йӧратымашым вашлийнам.
Пален мый налынам пиалын тамжым.
Лыжга мутет шӱмчоныштак ила.
Шарныктара мыланем сылне жапым.
Шарнет, кузе кавашке йӱд волен?
Мурен шыпак лышташ шке муро семжым.
Йоген памаш, илен йӧратымаш,
Монден ом керт мый сылне жапым.
Лыжга мардеж леведын олыкем.
Пеледыш семын шӱмчонем пеледын.
Шӱмбел верем осал деч арален.
Ах, кеҥеж семын йоча жап эрталын.
Ах, кеҥеж семын йоча жап эрталын.
Тышан йӧратымашым вашлийнам.
Пален мый налынам пиалын тамжым.
Лыжга мутет шӱмчоныштак ила,
Шарныктара мыланем сылне жапым.
Шарнет, кузе кавашке йӱд волен?
Мурен шыпак лышташ шке муро семжым.
Йоген памаш, илен йӧратымаш,
Монден ом керт мый сылне жапым.
