Текст песни
Кучал кидем – пуртем шижмаш воткемыш,
Яндар кок йогыным пырля ыштем.
Пылан лӱп йӱдымат ок лий пычкемыш –
Изи сескем гыч тулым ылыжтем.
Кает – ом курж почеш вӱдтолкын лийын,
Сереш шоҥ семын лайык вучалтем.
Тый пӧртылат памаш деч вийым налын,
Лыжган ойлет: «Лач тыйым йӧратем».
Ӧндал ырем, шулем мый тыйын кӱдынь,
Ласкан шӱлем тылат кӧра, таҥем.
Йоҥгалтарем эн ныжыл семым йӱкын,
Мурем ден кумылетым шыматем.
Кает – ом курж почеш вӱдтолкын лийын,
Сереш шоҥ семын лайык вучалтем.
Тый пӧртылат памаш деч вийым налын,
Лыжган ойлет: «Лач тыйым йӧратем».
Шупшал тамлем ал снегым, тӱрвыш кӱшым,
Ончалтышет шинчаш кодем, пӱял.
Сӧра гынат той шыже покшым йӱштым,
Суапле шӱм-чонеш шыта пиал.
Кает – ом курж почеш вӱдтолкын лийын,
Сереш шоҥ семын лайык вучалтем.
Тый пӧртылат памаш деч вийым налын,
Лыжган ойлет: «Лач тыйым йӧратем».
