Текст песни
Кече эртыш, кас шуэш-
Мый декем таҥем толеш.
Могай тувырым чияш?
Могай солыкым пидаш?
Йӧраталме тувырем
икте веле, и чием.
Ош чонеми- ош тувырем.
Ошо лийже йолчием.
Мый палемыс: йӧрата.
Йӧрата- чыла чыта.
Тудын вел мо шӱм пыртка?
Мыйынат чонем йӱла.
Солыкемже кум лукан,
Моткочак келша мылам.
Шинчам гай ужар тӱсан.
Теҥыз гай ужар шинчам.
Толеш капка ончыкем,
Шӱшкалта, вучен лекмем.
Изиш ом лек, туркалтем,
Лӱмынак вет вучыктем.
Мый палемыс: йӧрата.
Йӧрата- чыла чыта.
Тудын вел мо шӱм пыртка?
Мыйынат чонем йӱла.
Чиен шаҥгак тувырем,
Окна воктенем шинчем.
Руалталын солыкем,
Тый декет вашкем, таҥем.
Мый палемыс: йӧрата.
Йӧрата- чыла чыта.
Тудын вел мо шӱм пыртка?
Мыйынат чонем йӱла.
