Текст песни
Мланде ӱмбаке пӧрдын-модын лум вола.
Теле толын пӧрт омсашке тӱкала.
Сӱретла тӧрзаште, кушталта чодыраште
Да пӱртӱсым ош чияж ден чиялта.
Кас каваште шӱдыр-влак йӱлен чӱчкат.
Оҥгыр дене мардеж шыпак шокталта.
Ош лум корно дене, поран пӧрдме дене -
эртыше ийнам ужатена.
Кож укшлаште тул модеш -
тӱрлӧ тӱс дене йолга.
Вашке латкокыт пералта -
У ийлан корным ончыкта.
Эркын- эркын мланде ӱмбаке лум вола.
У ий толын пӧрт омсашке тӱкала.
Йолташ-влакым ӱжын, ӱстелтӧрыш шинчын -
Веселан у ийым вашлийына.
Кож укшлаште тул модеш -
тӱрлӧ тӱс дене йолга.
Вашке латкокыт пералта -
У ийлан корным ончыкта.
