Текст песни
Олыкышко шып кастене
Кажне кечын мый волем.
Олыкысо висвис дене
Шӱдышым тылат пиднем.
Шинчавӱд гай лупс вӱд ден,
Угыч мые шӱялтем.
Кушто гын улат каласе,
Йомын коштшо пиалем.
Тый каласе, висвисем,ала палет,
Йомын коштшо рвезе пиалем?
Но адак лач шыпланен, вует савет,
Вет палет гынат, уке йӱкет.
Тылзе деч йодам: “Шиждаре,
Тый чыла ужат, палет.
Ойло тудлан, увертаре,
Йолташна мемнан лият”.
Изи, ныжыл ӱлыр чон,
Лачак иктым кычалеш.
Лачак тудын лӱмже дене,
Ты тӱнялан шыргыжеш.
Тый каласе, висвисем,ала палет,
Йомын коштшо рвезе пиалем?
Но адак лач шыпланен, вует савет,
Вет палет гынат, уке йӱкет.
