Текст песни
Кукужо мура гын,
Шӱшпыкше шӱшка гын,
Весела лиеш садыште,
Ме гына муралтен колтена гын,
Весела лиеш коклаште.
Кече лектеш, шыргыжеш
Уло тӱням волгалтен.
Эх ончалам, шыргыжалам,
Сай таҥемжым ужмекем.
Яндар, яндар памаш гычын
Кӱйым налым нӧлашлан
Кӧргӧ чоным почаш лиеш
Эн ӱшанле йолташлан.
Кӱзалальым - кӱ курык.
Волалальым – мӧр олык.
Ошкылальым мӧр пеледыш коклаште.
Ончалальым – тыште уке.
Шоналтышым – тораште.
Йӧраталме йолташем.
Вӱдлан кайме корныштемже
Кандевуй пеледыш пеледеш
Кандевуй пеледыш огеш кошкал
Йӧраталме йолташем ок мондал.
Олыкыште ик лукыште
Пеледыш коклаште
Шӱшпык шӱшкалтен шинча
Каялална – ончалза
Муралтена – колыштса
Мурынам муралтен илыза.
