Текст песни
Ик кастене уремыште,
Меже коктын вашлийна.
Ваш ончалын,ваш ушналын,
Меже коктын келшышна.
Садпакчаште роза саска,
Кече вочмым йӧрата.
Эх йолташем, мыйын чонем,
Тыйым веле йӧрата.
Йӱште теле кастене,
Мотор полан воктене.
Тый денет мый коктын вашлийна.
Оҥгыр гае йӱкетше,тугай шокшо мутетше,
Кызытат чонемым ырыкта.
Ныжыл,ныжыл ӧндалын,
Вожылалын шупшалын,
Тыланет мый маньым: “Йӧратем”.
Ӧндал мыйым, ӧндал мыйым,
Ӧндалметым йӧратем.
От ӧндал гын, шупшал мыйым.
От шупшал гын, кудалтем.
Ӧндалашат вожыльым,
шупшалашат вожыльым.
Эх, окмак лийнам тунам.
Мыйын шӱмем сусыртен,
“ Мондо”-маньыч клуб воктен.
Кайышыч весе ден кастен.
Лу дыр мыйын парняем,
Латикте дыр шергашем.
Латикте гыч икте дыр,
Йӧраталме йолташем.
Ой мӱ веле, мӱ веле,
Сакыр веле, мӱ веле.
Йӧратымем моло уке,
Йӧратымем тый веле.
Вашлийым тыйым, лачак тыйым,
Кумыл шулдыр гай.
Ынде чӱчат мылам тый шокшо кечыла.
Садер йолгорно кондыш тыйым вашлияш,
Тулотым ылыжтен чечен йӧратымаш.
Ужар киса лийын отыл,
Лияш теченат отыл.
Йӧратет ман пален омыл,
Луктын каласен отыл.
Курык вуйыш кӱзет гынат,
Тышке-тушко ит ончал.
Йӧратымет мыяк улам,
Вес моторым ит кычал.
Шинчашкем ончет ласкан,
Кумылемым шыматен.
Чоныштем пиал саскам,
Курымешланак ӱдем.
Мый палем, палем мый,
мужыр йӱксыла.
Лийына таҥем пырля.
Ош вис-вис, вис-вис пеледышла,
Волгалтеш тек илышна.
Чодра мучко, олык мучко,
Эҥер мучко, вӱд мучко.
Эх йолташем, иыйым шонем,
Кече мучко, йӱд мучко.
Кемым чием, кемым чием,
Кемже лумым шалата.
Ом шоякле, чыным ойлем,
Чонем тыйым йӧрата.
Шагат кыра латиктылан,
Оҥгыр йӱк дене пырля.
Тыят шонет, мыят шонем
Келшен илалаш пырля.
