Текст песни
Мый садерыште шогем,
Кеҥеж тыным вӱчкалтен.
Лай мардеж моткоч шыма,
Лупсым шудо вач рӱза.
А йырваш ош лыве-влак,
Мый денем модаш тӧчат.
Нуным комдо тич погаш
Кӱзышаш ыле каваш.
Лачак лыве семын модын
Кӱшке кӱшке чоҥештем.
Эр сӱретын ныжыл семжым,
Чон мутем дене кылдем.
Тек йоҥга, йоҥга торашке,
Иктым веле шижтарен.
Ӱшанем колат йӱкемым,
Йӧраталме таҥем.
Мый садерыште шогем,
Шӱмчон вургыжын вучем.
Вачышкет эҥертынем,
“Йӧратем” манмет колнем.
А йырваш ош лыве-влак,
Мый денем модаш тӧчат.
Кид ден мые кучынем -
Нуно йомыт шуалген.
Лачак лыве семын модын
Кӱшке кӱшке чоҥештем.
Эр сӱретын ныжыл семжым,
Чон мутем дене кылдем.
Тек йоҥга, йоҥга торашке,
Иктым веле шижтарен.
Ӱшанем колат йӱкемым,
Йӧраталме таҥем.
