Текст песни
Сейилдеп басып көчөдө
Баратат бир кыз өзүнчө
Дарыя чалкып жаткансыйт
Карааны көзгө көрүнсө
Баралбадым, толкундандым
Тааныша албай туталандым
Ажарыңа ашык болуп ызаландым
Көздөрүңдү көрүп сүрдөнүп
Карай албай койдум жүдөнүп
Карыш басып жакындай албай
Аңгыча эле өттүң түзөнүп
Алыстадың менден керилип
Адаштымбы ойдон жеңилип?
Кылчайып бир карап койбодуң
Кете бердиң жалгыз термелип
Серпилип бассаң маралдай
Ысытып күн нур чачкандай
Жайылып кадам таштасаң
Кулпуруп гүлдөр жаткандай
