Chingis Утпа оглум Prod by Chingis

Бурун шагдан, өгбелерден орук изээн
Буян бүргээн чараш тыва дылывысты
Өгбелерниң чагыг сөзүн хажытпайн
Өзүп орар салгалыңга дамчыт, оглум

Угаадыглыг чечен-мерген эргим дылды
Улуг өндүр чогаалдардан өөренип ап
Уттундурбас эң-не ынак тыва дылың
Утпа, оглум, чаштарыңга өөредип чор

Төрээн дылың төөгүңнүң төөгүзү-дүр
Төрел чонуң, төрээн чериң буяны-дыр
Энең ышкаш Тыва дылың тының ол-дур
Эртер орууң өгбең дылы баштап чорзун!