Chingis Куску сесерликке Prod by Chingis

Сеңээ ынчан чечек тудусканым
Сесерликке бо-ла келир-дир мен
Холуң тудуп, хөглүг чугаалажып
Кожа кылаштажып чораан дег мен

Көктүг чазын борта көрүштүвүс
Хөлүгүр күс богун мында дүштү
Саглагар чоон ынак терээвисте
Чангыс бүрү менче соганнап тур

Чанагаш куу арга көзүлбестеп
Чангыс бүрү черже салдырт диди
Харлыг кыштын соогу хадып эртер
Кайгамчык май катап эргип келир

Частың чечээ манаа четчип турда
Шала кежээ борта болчажыр бис
Чернин хамык шимиин белек кылдыр
Сеңээ ынчан сунуп чедип кээр мен