Текст песни
Яшьлегем үтеп баруы
Шом сала йөрәгемә
Дөреслекне белә торып
Алданып яшим көн дә
Без үзгәрдек кебек инде
Язмыш калды үзгәрми
Кемнең нинди булганлыгын
Вакыт кына билгели
Кушымта
Тормышымда хаклык эзләп
Моңга тулган күңелем
Бер тамчы ярату көтеп
Узып бара гомерем
Вәхши дөньяларда авыр
Намуслы булып калу
Җиңелләрдән булмый икән
Хыялга юллар яру
Күпме сынаулар үтсәм дә
Килми җирдән китәсем
Гөнаһлы булып та җаным
Бәхет көтеп яшимен