Gazizkhan Shekerbek, Edil Gabbas MANTRA

Жүрегімде қаным тулап жатыр
Жанарыма жұлдыз құлап жатыр
Жалғыздықтан сезім жылап жатыр.
Жаратқанның әлде ісі ме екен,
Алаңдатқан әлде түсім бе екен,
Махаббаттың тылсым күші ме екен?
Сені сүю - періштеге айналу,
Сені сүю - елестерге байлану.
Сені сүю - қауызында гүлдердің,
Дір-дір етіп, көбелекше ойлану.
Жол жетеле алға мені,
Ғашық боп қалған едім.
Әуреге салма мені.
Сен - сиқырлап қойған мені,
Сиқырды жойма енді,
Өлтіріп қойма мені!
Көкейімде жатқан мұңды ақтаған,
Сағыныш та енді қымбат маған.
Осы хәлім неге жұмбақ маған.
Жүрегіне сезім жоламаған,
Жанарынан сәуле тарамаған.
Махаббатсыз өзі бола ма адам?