Текст песни
Сэгэттэйим оҕото
Сэмэй нарын Өрүүнэ
Хара хойуу суһуоххун
Хайа тардан өрүнэ
Көлүкэчээн уутугар
Күлүктэргин көрүнэ
Үлэлэргэр бараары
Үөрэ-көтө тураргын
Алаас тыала буоламмын
Аргыый-аргыый үрэммин
Ити хара суһуоххун
Имэрийэн ылларбын
Сэгэттэйим оҕото
Сэмэй нарын Өрүүнэ
Сэлэ чэчир хатыҥмыт
Симэҕинэн киэргэтэ
Өлгөм үүнүү отторун
Өрө тарда көбүтэ
Хойуу ойуур быыһынан
Ходуһалыыр суолларгар
Намчы лабаа буоламмын
Намылыйан тураммын
Куота көтөр бэйэҕин
Кууһаахайдаан ылларбын
Сэгэттэйим оҕото
Сэмэй нарын Өрүүнэ
Күнүс оттуу сылдьаҥҥын
Күүстээх үлэҥ быыһыгар
Сүүрээн тымныы уутугар
Сөрүүкээри суунаргар
Ууну кытта уу буолан
Уостан сүтэн тиийэммин
Ыраас таммах буоламмын
Ытыстаргар баһыллан
Обуйуктуур уоскуттан
Оргууй уураан ылларбын
Сэгэттэйим оҕото
Сэмэй нарын Өрүүнэ
Киэһэ үлэҥ кэнниттэн
Көлүкэчээн уутугар
Күлүктэргин көрүнэ
Киирээхтииргин билэммин
Түүҥҥү сиккиэр буоламмын
Түөскэр ыга бигэнэн
Ити хара суһуоххун
Имэрийэн ылларбын
Сэгэттэйим оҕото
Сэмэй нарын Өрүүнэ
Хара хойуу суһуоххун
Хайа тардан өрүнэ
Көлүкэчээн уутугар
Күлүктэргин көрүнэ
Үлэлэргэр бараары
Үөрэ-көтө тураргын
Алаас тыала буоламмын
Аргыый-аргыый үрэммин
Ити хара суһуоххун
Имэрийэн ылларбын
