Санита Ай Мин эмиэ

Сылайарбын биллэрбэккэ
Санаам күүһүттэн күөрэйэбин
Баарым суоҕум бу эрэ
Көнө суолу тутуһабын
Суобаһым ырааһынан сири сырдатаары
Дьиэ кэргэним туһугар тулуйуом барытын
Хорсун санаа хааммар баар
Ол эрэн ытыыр түгэннэрбин
Ким да билбэт ким да көрбөт

Мин эмиэ хараҕым ууларын
Барыттан саба тутаммын кистиибин
Мичээрим сылааһыгар саһыараммын
Тулуйабын хаҕыс олох тыалларын
Тулуйабын кистиибин

Мин атын буолбатахпын
Мин эмиэ сонньуйабын
Санаа кулута буолбакка
Алдьатабын мэһэйдэри
Күүстээх ийэ эмиэ ытыыр
Сылайар ардыгар
Дьиэ кэргэним туһугар дьолу уһансыаҕым
Хорсун санаа хааммар баар
Ол эрэн хараҕым ууларын
Мичээрбэр сэмэйдик кистиэҕим

Мин эмиэ хараҕым ууларын
Барыттан саба тутаммын кистиибин
Мичээрим сылааһыгар саһыараммын
Тулуйабын хаҕыс олох тыалларын

Мин атын буолбатахпын өрүү күлүөм өрө тахсыам
Дьылҕа хаан оонньуура буолбакка
Күөрэйиэҕим сырдыаҕым

Арыллабын бу олоххо
Кынаттанан мин дайабын
Ааспыты ахсарбакка
Саҥа күүһү ылынабын